Kuboshwe owesilisa kulandela ukubulawa kowesifazane

2018-02-04 13:32

Mthatha – Owesilisa ukhalelwe ngamasongo kaSigonyela ngokubulala owesifazane obhokodwe ngommese washona eButterworth, kusho amaphoyisa ase-Eastern Cape ngeSonto.

"Lo wesifazane oneminyaka engu-24 ubudala ugwazwe ngoMgqibelo ngabo-02:00 eZingqayi Village, eButterworth," kusho okhulumela amaphoyisa uCaptain Jackson Manatha ngesitatimende.

"Umufi ugwazwe emzimbeni washonela khona lapho."

OLUNYE UDABA: Kuboshwe izingane ngokubulala uyise ngoba ethathe isithembu

Umsolwa oneminyaka engu-23 ubudala kubikwa ukuthi ubalekile endaweni yesigameko kepha waboshwa ngokuhamba kwesikhathi.

UManatha uthe okwamanje ayikaziwa imbangela yokubulawa kwalo wesifazane.

Umsolwa kulindeleke ukuba avele eNkantolo yeMantshi yaseButterworth ngoMsombuluko ngecala lokubulala.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 18-26°C Sunny. Mild. Pta: 18-24°C Showers early. Morning clouds. Mild.
Jhb: 15-21°C Showers early. Morning clouds. Mild. Bloem: 17-28°C Mostly sunny. Warm.
Dbn: 22-28°C Rain early. Decreasing cloudiness. Warm. PE: 19-26°C Morning clouds. Mild.
Isibikezelo sezulu sezinsuku ezingu-7...