Kuboshwe nephoyisa ngamacala okubulala ehostela iGlebelands

2017-12-07 16:01

Durban – Amaphoyisa aKwaZulu-Natal asebophe abesilisa abane, okubalwa kubona nephoyisa, ngamacala okubulala enzeka ehostela iGlebelands.

Sekubulawe abantu abalinganiselwa kwabangu-95 kuleli hotsela kusukela ngo-2014, kodwa akekho noyedwa oseke walahlwa yicala.

Ikhomishini kaMoerane, eyenza uphenyo ngezigameko zokubulala okuhlobene nepolitiki eKZN, yatshelwa ukuthi eGlebelands kuhlala izinkabi futhi zisetshenziselwa ukubulala osopolitiki.

OLUNYE UDABA: Kubi kodutshulelwe imali yesitokofela

Ukuboshwa kwalaba kuze ngemuva kwezinsuku ezimbalwa uNgqongqoshe wamaPhoyisa uFikile Mbalula ethule ngokusemthethweni isiteshi esincane samaphoyisa phakathi kule ndawo.

Okhulumela amaphoyisa uJay Naicker uthi: “Umsolwa oneminyaka engu-29 ubudala uboshwe eHarding kanti abanye ababili, ona-45 nomunye oneminyaka engu-34 ubudala, babanjwe eGlebelands ngesikhathi kuseshwa elinye lamagumbi.”

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...