Kuboshwe abathathu ngezinsolo zokweba amatshe amathuna

2017-03-15 16:00

Johannesburg - Akhalelwe ngamasongo kaSigonyela amadoda amathathu aneminyaka ephakathi kwengu-29 nengu-46 ubudala ngezinsolo zokweba amatshe amathuna emathuneni aseMooifontein, eKempton Park, e-East Rand.

Okhulumela amaphoyisa aseNorkem Park uCaptain Lesibana Molokomme uthe kutholwe amatshe amathuna amahlanu emotweni yala madoda, okuyiVenture emhlophe esolisayo ngesikhathi iseshwa ngoLwesibili, kubika iKempton Express.

OLUNYE UDABA: Asezofakwa ama-alamu amatshe amathuna

UMolokomme uthe amaphoyisa akwaMasipala waseKurhuleni abophe la madoda ngezithuba zabo-14:00.

"Amaphoyisa amiswa yimoto yonogada emathuneni yabakhomba emotweni yohlobo lwe-Venture emhlophe esolisayo eyayipake ngaphakathi emathuneni.

"Ngesikhathi le moto iseshwa kwabe sekutholakala impahla okusolakala ukuthi yebiwe," kusho uMolokomme.

Uphenyo luyaqhubeka ngemizamo yokuthola abanikazi bamatshe amathuna.

 

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter



- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 19-26°C Sunny. Mild. Pta: 19-32°C High level clouds. Pleasantly warm.
Jhb: 17-30°C High level clouds. Pleasantly warm. Bloem: 18-31°C High level clouds. Pleasantly warm.
Dbn: 21-30°C High level clouds. Warm. PE: 20-27°C More sun than clouds. Warm.
Isibikezelo sezulu sezinsuku ezingu-7...