Kuboshwe abasolwa ngokuba yizinkabi ngenqwaba yamacala

2017-11-30 08:01

Durban - UNgqongqoshe wamaPhoyisa uFikile Mbalula, uthe ngoLwesithathu ukuboshwa kweqembu elisolwa ngokuba yizinkabi kufanele kube yisixwayiso ezigebengwini.

Kuboshwe abantu abangu-6 abasolwa ngokuba yizinkabi ngaphandle kwaseRichards Bay ngamacala ahlukene enzeka eGauteng naKwaZulu-Natal.

OLUNYE UDABA:Ziqothwe zihlela ukuyobulala izinkabi

"Abasolwa babandakanyeka ezigamekweni ezihlobene nezodlame lwamatekisi, ukubulawa kwamaphoyisa, ukuqhunyiswa kwama-ATM, ukubanjwa inkunzi kwezimoto zemali, ukubulawa okuhlobene nezepolitiki, ukuphanga nokuduna," kusho okhulumela amaphoyisa uColonel Thembeka Mbhele esitatimendeni.

La madoda aboshwe ngoLwesibili  ngamaphoyisa ophiko lweTactical Response Team, yiNational Intervention Unit kanjalo nawe-Public Order.

Abasolwa baneminyaka ephakathi kwengu-34 nengu-52 ubudala, kanti batholwa nezibhamu ezingu-7 nezinhlamvu ezingekho emthethweni.

UMbhele, uthe amaphoyisa azopheka abasolwa ngemibuzo kanti izibhamu zabo zizoya kohlolwa.


- News24

Isimo sezulu
Emigwaqweni
iLotto
Cpt: 12-20°C Morning clouds. Mild. Pta: 15-24°C Morning clouds. Mild.
Jhb: 11-22°C Morning clouds. Mild. Bloem: 7-22°C Sunny. Mild.
Dbn: 19-25°C Morning clouds. Mild. PE: 12-22°C High level clouds. Mild.
Isibikezelo sezulu sezinsuku ezingu-7...