Izivakashi zigetshengwe zisuka esikhumulweni sezindiza eGoli

2017-09-26 16:02

Johannesburg – Amaphoyisa asekuqinisekisile ukugetshengwa kwezivakashi ezingu-36 eziphu,a pheshey kwezilwandle, eNetherlands, ngeSonto.

Kuthiwa lezi zivakashi zigetshengwe yizigebengu ebezigqokise okwamaphoyisa ezizilandele zisuka esikhumulweni sezindiza i-OR Tambo.

Umthombo wephephandaba i-The Star uthi lezi zivakashi bezilibangise eMagaliesburg, entshonalanga nesifundazwe iGauteng.

Okhulumela amaphoyisa uBrigadier Vishnu Naidoo, uthe lezi zivakashi bezihamba ngebhasi zisuka esikhumulweni sezindiza zilibangise ehhotela lapho ebezizozinza khona njengoba ziseholidini.

OLUNYE UDABA:Amahhotela aqopha izivakashi zenza ucansi

“Leli bhasi ebeliphethe izivakashi livinjwe ngowesilisa obegqokise okwamaphoyisa. Ngesikhathi lima kuqhamuke iqulu lemigulukudu lagebenga lezi zivakashi konke ebezikuphethe,” kusho uNaidoo.

UNaidoo uqhubeke wathi ngeke akwazi ukuphawula ngesimo salezi zivakashi kodwa akuzange kubikwe ngokulimala.

Uqhubeke wathi kuzosungulwa ithimba labaseshi asebemnkantshubomvu abazophenyisisa ngalesi sigameko.

- News24

Isimo sezulu
Emigwaqweni
iLotto
Cpt: 17-22°C Morning clouds. Mild. Pta: 15-33°C Sunny. Pleasantly warm.
Jhb: 15-28°C Sunny. Pleasantly warm. Bloem: 20-28°C More sun than clouds. Warm.
Dbn: 20-28°C Showers late. Afternoon clouds. Warm. PE: 17-20°C Drizzle. Afternoon clouds. Cool.
Isibikezelo sezulu sezinsuku ezingu-7...