IZITHOMBE: Sishiye kukubi isishingishane esihlasele eNewcastle ngoMsombuluko

2017-12-12 08:02

Nonkululeko Nhlapo

eThekwini - Isishingishane esihambisana nemvula enamandla sidale umonakalo ezindaweni esiningi elokishini lasoSizweni, eNewcastle.

Izakhamuzi zakule ndawo zibabaze umhlola ngokuthi azikaze ziwabone amafu eguqubala ngaleya ndlela.

“Ngithuke kabi ngalokhu engikubonile, lawa mafu bewamabi kakhulu nokube yinkomba yokuthi kukhulu okuzayo,”kusho uThemba Msimango oyisakhamuzi sasoSizweni.

LUNYE UDABA: Sebengu-22 abashone kuhlasela isishingishane

UMsimango uthi kuphuke amawindi emzini wakhe ngenxa yalesi sishingishane, kanti akusiyena yedwa okhalayo ngoba abantu abaningi bakhala ngakho ukuphuka kwamawindi nokungenelwa ngamanzi endlini.

Imvula yaqala ezinsukwini ezimbalwa ezedlule, abantu bebenethemba lokuthi lizophenya kodwa, laqinisa kakhulu. Kwezinye izindawo abantu balale ngobumnyama njengoba kuvele kwacima ugesi.

Nazi izithombe:

Liqinise kakhulu izulu izolo eNewcastle ...imizi eminingi isale kushaya umoya kuphuke amawindi @Inkundla1 @IzindabaNews24 pic.twitter.com/mBYFBW6uwF

— Nkuli Nhlapo (@NduNhlapo) December 12, 2017

The window is broken pic.twitter.com/w9igoTKSXR

— Menzi Nxongo(Model) (@MenziNxongo) December 11, 2017

Kunje eNewcastle namuhla, kanti awukho ugesi ezindaweni eziningi, baphephe abantu emgwaqeni nasemakhaya. Sinjani isimo sezulu kwelakini? @ayandamsweli46 @Inkundla1 @IzindabaNews24 @newcastle pic.twitter.com/lKvAWyD0Mv

— Nkuli Nhlapo (@NduNhlapo) December 11, 2017

- News24