IZITHOMBE: Owakuleli uhlonishwe ngobuciko bakhe eMelika

2017-09-20 12:31

Durban - U-Esther Mahlangu  uhlonishwe ngomsebenzi wakhe oncomekayo wamaciko ezweni iMelika, kubika iHuffington Post.

UMahlangu udume kakhulu ngobuciko bokuhlobisa ngemibala egqamile yakwaNdebele.

AmaMelikana athathe ithuba lokuhlonipha le ntokazi ngamakhono ayo.

OLUNYE UDABA:UJohn Legend no-Esther Mahlangu bahlanganyele ibhodlela likagologo

Le ntokazi ihlonishwe ngokupendwa okwenziwe wumdwebi u-Imani Shanklin Roberts. Kupendwe imizila emibili uCrossing Franklin Street no-West Broadway ngasesiteshini samabhayisikili.

Le migwaqo ihlotshiswe ngemibala yakwaNdebele nokuyisenzo sokuhlonipha uMahlangu ngale midwebo adume ngayo umhlaba wonke.

Ezinyangeni ezimbalwa ezedlule uMahlangu ubesanda kuhlonishwa abakhiqizi bezimoto bakwa-BMW ngokuthatha ubuciko bakhe busetshenziswe ezimotweni zabo.

- News24

Isimo sezulu
Emigwaqweni
iLotto
Cpt: 17-22°C Morning clouds. Mild. Pta: 15-33°C Sunny. Pleasantly warm.
Jhb: 15-28°C Sunny. Pleasantly warm. Bloem: 20-28°C More sun than clouds. Warm.
Dbn: 20-28°C Showers late. Afternoon clouds. Warm. PE: 17-20°C Drizzle. Afternoon clouds. Cool.
Isibikezelo sezulu sezinsuku ezingu-7...