Iphoyisa lizibulele ngemuva kokubulala unkosikazi

2017-12-02 09:45

Bloemfontein – Amaphoyisa aseFree State asenxuswe ukuba acele usizo kwabeluleka ngokwengqondo, emasontweni nakubazali uma ebhekene nezinselelo emshadweni, emsebenzini noma empilweni yawo.

Lokhu kungemuva kokuba iphoyisa elineminyaka engu-36 ubudala lidibule labulala umkalo oneminyaka engu-30 ubudala, ngaphambi kokuba nalo lizibulale ngesibhamu somsebenzi kwa-F, eBotshabelo ngoLwesihlanu ekuseni.

UColonel Thandi Mbambo uthe udadewabo wephoyisa uvuke wathola umyalezo osolisayo ophuma kumfowabo. Ube eseya endlini eyobheka, wahlangabezana nezidumbu.

OLUNYE UDABA: Kudutshulwe kwabulawa owesilisa endaweni yokusoka

"Kuthe efika endlini ekwa-F eBotshabelo, wathola isidumbu somfowabo nesomkakhe ekamelweni, wabe esebikela amaphoyisa,” kusho uMbambo.

Amaphoyisa athole ukuthi umkosikazi ubenamanxeba amathathu okudutshulwa – amabili esifubeni nelolodwa ekhanda, kusho uMbambo.

Iphoyisa belinenxeba elilodwa ekhanda.

Imbangela yesigameko ibingakaziwa kodwa kuyaphenywa. 

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-21°C Showers late. Morning clouds. Cool. Pta: 16-22°C Morning clouds. Mild.
Jhb: 13-21°C Afternoon clouds. Mild. Bloem: 15-28°C Mostly sunny. Warm.
Dbn: 20-32°C Sunny. Warm. PE: 19-25°C Rain late. Afternoon clouds. Mild.
Isibikezelo sezulu sezinsuku ezingu-7...