Inkantolo iyalele isikhulu se-ANC ukuba singaxhumana nentombazane,14

2017-11-28 18:14

Johannesburg -  INkantolo kaMantshi eVanderbijlpark isikhiphele isikhulu se-ANC incwadi yesivimbezelo sokuba sixhumane nesisulu.

Lesi sikhulu se-ANC kasivumelekile ukuba sixhumane nentombazane eneminyaka engu-14 ubudala, okusolwa ukuthi ubelala nayo nakuba incane kakhulu ngokweminyaka.

Lesi sikhulu ebesiyiMeya yaseMfuleni kuthiwa safaka isithombe sentombazane, 14, ingagqokile ngokuphelele kwi-group kaWhatsApp enamalungu aphezulu e-ANC.

OLUNYE UDABA: Kuboshwe owesifazane kutholakala usana emgodini wethoyilethi

Kusolwa ukuthi sasithandana nale ngane encane ngokweminyaka.

Ngokuhamba kwesikhathi isikhulu lesi sesula esikhundleni sokuba yiMeya, nokuyisinqumo esamukelwa yi-ANC eGauteng.

Kuthiwa kwi-group kaWhatsApp okwafakwa kuyona isithombe sentombazane kukhona noNgqongqoshe wezaManzi nokuThuthwa kweNdle uNomvula Mokonyane kanye nomholi woPhiko lweNtsha uCollen Maine.

- eNCA

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 18-24°C Sunny. Mild. Pta: 19-26°C Heavy rain. More clouds than sun. Warm.
Jhb: 17-24°C Numerous showers. More clouds than sun. Mild. Bloem: 16-30°C Sunny. Pleasantly warm.
Dbn: 23-28°C a few tstorms. More clouds than sun. Warm. PE: 20-23°C Showers early. Morning clouds. Mild.
Isibikezelo sezulu sezinsuku ezingu-7...