Inkantolo ifuna incazelo kuNgqongqoshe neSassa ngokuphendula sekwedlule isikhathi

2017-03-14 14:11

Johannesburg – INkantolo yoMthethosisekelo ifuna izincazelo kuNgqongqoshe wezokuThuthukiswa koMphakathi nakwi-Sassa.

Inkantolo iyalele uNgqongqoshe uBathabile Dlamini kanye neSouth African Social Security Agency ukuba bachaze ukuthi kungani behlulekile ukuhlangabezana nomnqamulajuqu wangoMsombuluko.

Inkantolo yayalela uNgqongqoshe kanye nale nhlangano ukuba bachaze ukuthi kungani behlulekile ukulungiselela ukuthatha izintambo zokuholela abantu imali yeziboneleli zikahulumeni ngo-Ephreli 1.

OLUNYE UDABA: Kulimale 20 wabagibeli kushayisana amatekisi

Amaphepha anezimpendulo bawafake enkantolo sekudlule isikhathi – njengoba efakwe ngo-22:00 ngoMsombuluko – ekubeni bekumele afakwe ngo-16:00 njengokomyalelo wenkantolo.

Bekulindeleke ukuba inkantolo iphinde ichazelwe ngemininingwane yesivumelwano esisha ne-CPS.

UNgqongqoshe ne-Sassa babekelwe kuze kube u-15:00 ukuba baphendule.

- eNCA

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-19°C Sunny. Mild. Pta: 17-30°C Morning clouds. Pleasantly warm.
Jhb: 15-25°C More sun than clouds. Mild. Bloem: 15-26°C Rain late. Afternoon clouds. Warm.
Dbn: 20-28°C Decreasing cloudiness. Warm. PE: 16-25°C Morning clouds. Mild.
Isibikezelo sezulu sezinsuku ezingu-7...