Inkampani yamabhasi isathukile ngokubulawa komshayeli

2017-09-26 09:20

Cape Town – Abe-Golden Arrow Bus services bathi basashaqekile namanje ngemuva kokuba kudutshulwe umshayeli wamabhasi abo eshayela ibhasi, elibe seliphaphalaza layoshayisa imizi emibili eNyanga – umshayeli ushonele endaweni yesigameko.

Umshayeli udutshulwe esigamekweni okusolakala ukuthi ngesokuphanga esenzeke eNyanga East ngoMgqibelo ebusuku.

Ibhasi libe selishayisa imizi emibili, ngenhlanhla kwangashona muntu.

Okhulumela iGolden Arrow Bus Services uBrownwen Dyke-Beyer uthe umshayeli uphunyukwe yisiteringi sebhasi ngemuva kokudutshulwa.

“Ngokwemininingwane esisayitholile okwamanje, umshayeli udutshulwe esigamekweni sokuzama ukubamba inkunzi, wabe esephunyukwa yibhasi, elibe selishayisa imizi emibili.

OLUNYE UDABA: Kusune nezingane kweyenzeke eKZN

“Abagibeli ababili ebebesebhasini baphuthunyiswe esibhedlela kanti belashelwa imihuzuko,” kusho uDyke-Beyer.

Kukholakala ukuthi ibhasi beliya eWynberg ngesikhathi sesigameko kodwa ababulali abaziwa namanje.

Okhulumela amaphoyisa uFC van Wyk uthe amaphoyisa ayaphenya kodwa bekungakaboshwa muntu.

Kucelwa onemininingwane ngesigameko axhumane neCrime Stop ku-0860010111.

- Cape Times

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-20°C Sunny. Mild. Pta: 17-27°C Heavy rain. Morning clouds. Warm.
Jhb: 14-21°C Heavy rain. Decreasing cloudiness. Mild. Bloem: 9-27°C High level clouds. Pleasantly warm.
Dbn: 18-22°C Rain late. Mostly cloudy. Cool. PE: 12-19°C a few showers. Afternoon clouds. Mild.
Isibikezelo sezulu sezinsuku ezingu-7...