Indodana kaZuma isiphinde lokho eyayalelwa ukuba ixolise ngakho

2017-08-26 12:11

Pietermaritzburg – Indodana kaMengameli Jacob Zuma, u-Edward, isiphinde yasola lowo owayengungqongqoshe wezezimali uPravin Gordhan ngokuba ngumdayisi, umqambi manga, osebenzela ongxiwankulu abamhlophe.

UZuma ubeyingxenye yababhikishi abaphazamise inkulumo kaGordhan esifundweni ebesingoGandhi eMgungundlovu ngoLwesihlanu ebusuku. 

Ngasekuqaleni kwenyanga, uZuma waphoqwa ukuba axolise ngencwadi evulelekile ayibhalela eGordhan embiza ngomdayisi.

Umbhikisho oqale unokuthula ngoLwesihlanu ebusuku uphenduke wanomsindo ngesikhathi uZuma esememeza uGordhan.

OLUNYE UDABA:  Kuboshwe izisebenzi zedolobha ngawokukhwabanisa

"Pravin uqamba amanga, unamanga, ungumqambi manga. Udayise ngezwe kubantu abamhlophe eStellenbosch. Udayisele izwe uRupert. Kade ngangisho ukuthi ungumdayisi,” kumemeza uZuma ngesikhathi uGordhan ethula inkulumo yakhe. 

Amaphoyisa ngokuhamba kwesikhathi azame ukuhlakaza isixuku, esenqabile nokho ukuhamba.

- eNCA

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Rain showers. Morning clouds. Warm.
Jhb: 16-23°C Showers early. High level clouds. Mild. Bloem: 13-29°C Sunny. Pleasantly warm.
Dbn: 19-24°C Showers early. Morning clouds. Mild. PE: 12-21°C Afternoon clouds. Cool.
Isibikezelo sezulu sezinsuku ezingu-7...