Indoda idubule umkayo nomakhelwane obezama ukubalamula

2016-02-15 18:34

Durban – Umndeni uthi usashaqekile kulandela ukudubula okudlule nemiphefumulo emithathu, eflethini eliseManzimtoti, ngaphandle kweTheku.

INews24 ibeke ngaphambilini ukuthi kubulawe abantu abathathu, kepha kunemininingwane emisha evelayo ngalesi sigameko saseDoonside.

Amaphoyisa aseqinisekisile ukuthi owesilisa kukholakala ukuthi udubule unkosikazi wakhe, wase edubula ebhekise komakhelwane abebezama ukulamula, ngemuva kwaloko wabhekisa umbhobho wesibhamu ngakuyena.

Okhulumela amaphoyisa uMajor Thulani Zwane uthe amaphoyisa abizelwe kuleli flethi ngabo-07:00.

OLUNYE UDABA: Kudutshulwe kwabulawa amadoda amabili eThekwini

“Sibikelwe ngesigameko sokuxabana kwezithandani ekuseni lapho umsolwa ebulale umkakhe nomakhelwane ngaphambi kokuzibulala naye,” esho.

"Kushone ababili kwathi abanye ababili balimala. Umsolwa ube esezingqokloza ngesibhamu naye,” elandisa.

Kuvulwe amacala amabili okubulala namabili okuzama ukubulala kanjalo nelilodwa lokufa komuntu.

- News 24

Isimo sezulu
Emigwaqweni
iLotto
Cpt: 14-21°C Sunny. Cool. Pta: 18-28°C More sun than clouds. Warm.
Jhb: 15-25°C Drizzle. Morning clouds. Warm. Bloem: 10-23°C Sunny. Mild.
Dbn: 17-19°C Rain showers. Breaks of sun late. Cool. PE: 15-22°C Scattered showers. Morning clouds. Cool.
Isibikezelo sezulu sezinsuku ezingu-7...