I-Sassa ithi asikho isivumelwano efinyelele kusona neCPS

2017-03-05 16:59

Pretoria - ISouth African Social Security Agency (Sassa) ithi asikho isivumelwano esisayinile neCash Paymaster Services (CPS) ngodaba lokuholelwa kwabantu abangu-17 million abathola izibonelelo zikahulumeni.

Lokhu ukusho nakuba sekusele izinsuku ezingu-26 iphelelwe yisikhathi inkontileka esebenzayo njengamanje nengekho emthethweni.

Ekhuluma nabezindaba ePitoli ngeSonto, inhloko yemisebenzi yakwaSassa uDumisile Ndlovu utshele izintatheli ukuthi asikho isivumelwano esesisayiniwe okwamanje ngodaba lokuholelwa kwabantu kusukela ngomhlaka 1 Ephreli.

OLUNYE UDABA: Ngeke ngisuke esikhundleni - Dlamini

NgoLwesihlanu ebusuku okhulumela uMnyango wezokuThuthikiswa koMphakathi uLumka Oliphant ukhiphe isitatimende esithi iSassa ne-CPS bafinyelele esivumelwaneni ngemuva kwezingxoxo ezidonse izinsuku ezintathu.

NgeSonto uNdlovu uthe isivumelwano neCPS sizokwenza ukuba izinsiza zale nkampni ziqhubeke nokusetshenziswa yiSassa ngemuva komhlaka 31 Mashi. 

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-18°C Morning clouds. Mild. Pta: 9-25°C Sunny. Mild.
Jhb: 7-21°C Sunny. Mild. Bloem: 4-21°C Sunny. Mild.
Dbn: 18-23°C Partly cloudy. Mild. PE: 14-18°C Light showers. Morning clouds. Mild.
Isibikezelo sezulu sezinsuku ezingu-7...