I-NPA isibekele uMengameli Zuma umnqamulajuqu

2017-10-20 17:59

Durban – INational Prosecuting Authority isibekele uMengameli Jacob Zuma umnqamulajuqu womhlaka-30 Novemba ukuba abeke izizathu zokuthi kungani kumele ahoxiswe amacala akhe enkohlakalo.

Lezi zindaba zivele esitatimendeni esikhishwe yi-NPA ngoLwesihlanu.

Lo mnqamulajuqu uza kulandela isinqumo sangesonto eledlule esakhishwa yiNkantolo eNkulu yokuDluliswa kwamaCala sokuchitha isicelo se-NPA noMengameli Zuma sokuba kuguqulwe isinqumo seNkantolo eNkulu eyayalela ukuba sithathwe njengesiphambene nomthetho isinqumo sokuhoxiswa kwamacala kaMengameli.

Esitatimendeni ihhovisi likaMengameli lithi isinqumo, nakuba kungesidumazayo, besilindelekile.

OLUNYE UDABA: I-ANC ngeke iphawule manje ngesinqumo senkantolo ngoZuma ne-NPA

Ihhovisi laphinde aveza ukuthi iNkantolo yokuDluliswa kwamaCala ithe lowo owayeyibamba likaMgqondisi wezokuShushiswa koMphakathi uMokotedi Mphshe wasebenzisa umthetho okungewona ofanele ngesikhathi ecubungula izethulo zikaMengameli Zuma ezenziwa kwi-National Prosecuting Authority (NPA).

Ngaleyo ndlela, isinqumo sokuhoxiswa kwamacala ayethweswe uMengameli Zuma kwavela ukuthi asikho emthethweni.

Ngemuva kwesinqumo sangesonto eledlule, amaqembu aphikisayo aveza ukuthi uZuma kanye ne-ANC bambuleke izinqa njengoba ingasekho into abazocasha ngayo manje.

Leli cala limayelana nezinkulumo eziqoshiwe, ezidume ngelamaSpy Tapes.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 17-24°C Sunny. Mild. Pta: 19-26°C Numerous showers. Cloudy. Warm.
Jhb: 17-22°C Heavy rain. Mostly cloudy. Mild. Bloem: 16-30°C Sunny. Warm.
Dbn: 23-27°C a few tstorms. More clouds than sun. Warm. PE: 20-22°C a few showers. More sun than clouds. Mild.
Isibikezelo sezulu sezinsuku ezingu-7...