I-IPID iphenya ngobulawe kade ekhombe amaphoyisa ngesethoyizi

2017-07-25 09:32

Cape Town – Udaba lowesilisa okuthiwa udutshulwe ngemuva kokuba ekhombe amaphoyisa kamasipala ngesibhamu sethoyizi seludluliselwe kwi-Independent Police Investigative Directorate (IPID), kusho iDolobha laseKapa ngoMsombuluko.

Ilungu lezokuphepha ekomidini lomkhandlu, uJP Smith, lithe uMasipala usebenzisana ngokugcwele namaphoyisa kanye ne-IPID njengoba kuphenywa ngesigameko esenzeke ngesikhathi kunezivimbamgwaqo ngoLwesine olwedlule.

Amaphoyisa kamasipala abesebenza ePhilippi ngesikhathi ebona abesilisa ababili bebaleka lapho bekuvalwe khona, abe esebajaha, esho.

OLUNYE UDABA: Ushonele egunjini lomqwayizi obehambe eyophuza

"Omunye wabo uphendukile wakhomba amaphoyisa ngesibhamu. Amaphoyisa abe esedubula umsolwa, washona ngemva kwesikhashana,” kuqhuba uSmith.

"Ngokuhamba kwesikhathi kutholakale ukuthi umsolwa ubengaphethe isibhamu sangempela.”

Okhulumela i-IPID uMoses Dlamini ukuqinisekisile ukuthi benza uphenyo, wathi isidumbu sihlolwe ngoMsombuluko kanti nezitatimende sezithathiwe kwabazibonele.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 18-22°C Showers early. Partly cloudy. Cool. Pta: 18-27°C Showers early. Mostly cloudy. Warm.
Jhb: 16-24°C Passing showers. Mostly cloudy. Mild. Bloem: 14-25°C Showers early. More sun than clouds. Warm.
Dbn: 21-30°C a few showers. Mostly cloudy. Warm. PE: 19-26°C Showers early. Morning clouds. Mild.
Isibikezelo sezulu sezinsuku ezingu-7...