I-EFF ifuna kubhekwe ukudla okudayiselwa abafundi ezikoleni ngenxa yeListeriosis

2018-03-05 14:03

Johannesburg – I-Economic Freedom Fighters (EFF) inxuse uMnyango weMfundo eyisiSekelo ukuba uqinisekise ukuthi ukudla okudayiselwa abafundi akunazo izithako ezifana nopholoni, ngemuva kokumenyezelwa kokuthi ungumsuka wesifo i-listeriosis.

UNgqongqoshe wezeMpilo uDkt Aaron Motsoaledi ngeSonto uthe kutholakale ukuthi lesi sifo sisuka efemeni yakwa-Enterprise esePolokwane, ekhiqiza imikhiqizo efana nopholoni.

"Sinxusa nokuba izigungu ezengamele izikole kanye namalungu emikhandlu emele abafundi ukuba bafake izindlela eziqinile zokulawula izinto ezidayiselwa abafundi emagcekeni esikole nasezitolo eziseduzane,” kusho okhulumela i-EFF uMbuyiseni Ndlozi.

OLUNYE UDABA: Usutholakele umsuka wesifo i-Listeriosis

UNdlozi uthe kumele kusolwe i-Enterprise Food neRainbow Chicken ngemuva kokuba uMotsoaledi ethe lesi sifo siqubuke kulezi zinkampani.

"Kuzomele baphendule ngokubhebhethekisa isifo nangokubulala abantu,” kusho uNdlozi.

Lesi sifo sesibulale abantu ababalelwa kwabangu-180 eNingizimu Afrika selokhu siqubuke ngonyaka ophelile.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-16°C Thunderstorms. Mostly cloudy. Cool. Pta: 8-25°C Sunny. Mild.
Jhb: 8-21°C Sunny. Mild. Bloem: 5-21°C Sunny. Mild.
Dbn: 16-26°C Sunny. Mild. PE: 14-22°C Showers late. Afternoon clouds. Mild.
Isibikezelo sezulu sezinsuku ezingu-7...