I-ANCYL nayo ifuna uManana esule esikhundleni sakhe

2017-08-12 12:01

Johannesburg - I-African National Congress Youth League (ANCYL) eNorth West, isijoyine ezinye izinhlangano ezifuna ukuthi iSekela likaNgqongqoshe wezeMfundo ePhakeme, uMduduzi Manana lisule esikhundleni sakhe.

Lokhu kuhlobene  nezinsolo zokushaya abantu besigfazane ababili ekilabhini eseGoli ngempelasonto edlule.

OLUNYE UDABA:'Kuzomele aphendule uManana ngokungezi ePhalamende kuvotwa'

UManana uvele eNkantolo yeMantshi yaseRandburg ngoLwesine, ngamacala amabili okushaya.

UManana udedelwe ngebheyili yemali engu-R5 000 kanti kulindeleke ukuba abuyele enkantolo ngomhlaka-13 Septhemba.

UTshiamo Tsotetsi okhulumela i-ANC Youth League, uthe: "I-ANCYL eNorth West ifuna uManana esule esikhundleni sakhe njengeSekela likaNgqongqoshe nelungu lePhalamende. Sikuqaphelile futhi siyabonga ukuthi uxolisile emphakathini ngokuziphatha kwakhe budlabha. Kodwa asivumi ukwamukela ukuthi ilungu le-ANC elimele umphakathi ukuthi lingacabanga ukuthi ukuxolisa kungashabalalisa umonakalo."

 - SABC








- News24

Isimo sezulu
Emigwaqweni
iLotto
Cpt: 12-19°C High level clouds. Mild. Pta: 6-20°C Mostly sunny. Mild.
Jhb: 3-15°C Mostly sunny. Refreshingly cool. Bloem: 2-20°C Mostly sunny. Mild.
Dbn: 10-18°C Mostly sunny. Cool. PE: 11-23°C High level clouds. Mild.
Isibikezelo sezulu sezinsuku ezingu-7...