I-ANC ngeke iphawule manje ngesinqumo senkantolo ngoZuma ne-NPA

2017-10-13 12:30

Johannesburg – I-African National Congress ngoLwesihlanu ithe isafundisisa isinqumo seNkantolo eNkulu yokuDluliswa kwamaCala sokuchitha imizamo kaMengameli Jacob Zuma neNational Prosecuting Authority, yokuphikisa isinqumo mayelana nokutheswa kabusha amacala enkahlakalo uZuma.

Isicelo sabo sichithiwe base beyalelwa ukuba bakhokhe izindleko zecala.

Okhulumela i-ANC uZizi Kodwa esitatimendeni uthe: "I-ANC iyazethemba izinkantolo zethu kanye namathuba ewanikeza zonke izinhlaka ezingeneme. Ngaleyo ndlela, i-ANC izofundisisa isinqumo bese ilinda isinqumo esizothathwa ngabathintekayo ngaphambi kokuba iphawule ngokugcwele ngalolu daba.”

OLUNYE UDABA: Kubanjwe inkunzi izivakashi eGoli

UZuma ne-NPA bababela eNkantolo yokuDluliswa kwamaCala befuna iguqule isinqumo sango-2016 esakhishwa yiNkantolo eNkulu yasePitoli sokuba i-NPA iguqule isinqumo sayo sokuhoxisa amacala enkohlakalo ayebhekene noZuma ngaphambi kokuba abenguMengameli.

Amacala angu-18 ayebhekene noZuma ahoxiswa ngo-2009, ngaphambi kokuba afungiswe okokuqala njengomengameli, kodwa i-DA yayilokhu ifuna amacala abuyiselwe.

- News24

Isimo sezulu
Emigwaqweni
iLotto
Cpt: 16-22°C High level clouds. Cool. Pta: 15-30°C Sunny. Pleasantly warm.
Jhb: 14-27°C Sunny. Pleasantly warm. Bloem: 16-33°C More sun than clouds. Pleasantly warm.
Dbn: 17-29°C Sunny. Warm. PE: 14-23°C High level clouds. Mild.
Isibikezelo sezulu sezinsuku ezingu-7...