I-ANC isikhethe umholi omusha e-Eastern Cape

2017-10-01 14:47

East London – U-Oscar Mabuyane useqokwe njengosihlalo we-ANC e-Eastern Cape ngemuva kokuwina ngamalengiso ngesikhathi kuvotwa engqungqutheleni yokukhetha ubuholi ebiphelezelwa yizigameko zodlame oludalwa ukwahlukana phakathi.

UMayibuyane uthole amavoti angu-931, kwathi lowo ophuma esikhundleni, uPhumulo Masualle, wathola ayisikhombisa nje kuphela.

UMlungisi Mvoko unqobe ngamavoti angu-935 kwesokuba yiphini likasihlalo. ULulama Ngcukaitobi uqokelwe kwesokuba ngunobhala, uHelen Sauls-August kwesokuba yiphini likanobhaka kanti uBabalo Madikizela yena ukhethelwe kwesokuba ngumgcinimafa.

Ngesikhathi sokuphakanyiswa kwamagama ikhomishini yokhetho ithe nakuba abanye bebengekho, kodwa abantu bebanele ukuba ingqungquthela ingaqhubeka – njengokusho komthethosisekelo we-ANC.

OLUNYE UDABA: Kuboshwe namaphoyisa kwesokubamba inkunzi

Kumenyezelwe ukuthi bebengu-951 abantu ebebesengqungqutheleni ngesikhathi kuphakanyiswa amagama nangesikhathi sekuvotwa.

NgoMgqibelo ebusuku kuqhume ama-stun grenade ngaphandle kwendawo obekubanjelwe kuyona ingqungquthela, ngesikhathi kuhilizisana amalungu angaboni ngasolinye e-ANC kulesi sifundazweni.

NgeSonto ekuseni futhi kubekhona ukuhilizisana okushiye abantu abangu-8 belimele.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 13-19°C Sunny. Mild. Pta: 16-27°C Morning clouds. Warm.
Jhb: 14-23°C Rain early. Morning clouds. Mild. Bloem: 12-27°C Rain late. More sun than clouds. Warm.
Dbn: 16-25°C More sun than clouds. Mild. PE: 13-22°C Morning clouds. Mild.
Isibikezelo sezulu sezinsuku ezingu-7...