Bazoyichithela ejele impelasonto ababoshelwe isivinini esiphezulu

2017-04-15 13:59

Johannesburg – Amaphoyisa ogwaqo eGauteng asebophe abesilisa ababili ebebehamba ngesivinini esiphezulu ku-N1 ngaphandle kweasePretoria kusukela kuqale impelasonto yePhasika.

Amaphoyisa athi owesilisa oneminyaka engu-56 ubudala waseTshwane ubanjwe ehamba ngo-225km/h endaweni ka-120km/h, kanti uthe ubephuthuma kogembula ekhasino eHammanskraal.

Kwesinye isigameko, owesilisa oneminyaka engu-36 ubudala uboshwe ehamba ngo-219km/h emgwaqeni obhekene ePolokwane.

OLUNYE UDABA: Balinganiselwa ku-100 ababoshelwe ukushayela bephuzile eThekwini

Okhulumela amaphoyisa omgwaqo eGauteng u-Obed Sibasa uthi laba impelasonto yonke yePhasika bazoyichithela esitokisini.

“Bobabili laba besilisa bagcinwe esitokisini eHammanskraal. Bazovela eNkantolo kaMantshi ePretoria North ngesonto elizayo. Bazothweswa icala lokushayela budedengu.”

- EWN

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-17°C More sun than clouds. Mild. Pta: 17-30°C Morning clouds. Warm.
Jhb: 16-26°C Rain late. More sun than clouds. Warm. Bloem: 7-26°C High level clouds. Pleasantly warm.
Dbn: 16-20°C More clouds than sun. Cool. PE: 11-19°C Mostly sunny. Mild.
Isibikezelo sezulu sezinsuku ezingu-7...