Bayavela abasolwa ngokubulala amadoda amane

2017-08-04 16:01

Port Elizabeth - Kulindeleke ukuba kuvele abasolwa abayishumi eNkantolo yeMantshi yaseLibode ngoLwesihlanu ngokubandakanyeka esigamekweni sokubulala amadoda amane ngezinsolo zokweba imfuyo.

Okhulumela amaphoyisa ase-Eastern Cape, uLieutenant-Colonel Mzukisi Fatyela uthe amadoda amane, agwazwa aphinde agencwa ngocelemba eMphangana ngoMsombuluko.

Kusolwa ukuthi la madoda abanjwa ezama ukweba izinkomo.

OLUNYE UDABA: Bayavela abasolwa ngokweba imfuyo eLimpopo

UFatyela uthe abekho ofakazi asebeze ngaphambili, kodwa uphenyo lwamaphoyisa luholele ekutheni kuboshwe amadoda ayishumi ngoLwesithathu.

Abasolwa, abaneminyaka ephakathi kwengu-20 nengu-47, baboshwe eMphangana kanti babhekene necala lokuthumba nokubulala.

Ukhomishana wamaphoyisa ase-Eastern Cape uLieutenant-General Liziwe Ntshinga uxwayise ngokuthi kuwubugebengu ukuzithathela umthetho ezandleni.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 11-14°C Mostly sunny. Cool. Pta: 15-28°C Showery. Morning clouds. Pleasantly warm.
Jhb: 12-22°C Showers early. Morning clouds. Mild. Bloem: 4-17°C Sunny. Refreshingly cool.
Dbn: 14-18°C Showery. More clouds than sun. Cool. PE: 12-18°C More sun than clouds. Mild.
Isibikezelo sezulu sezinsuku ezingu-7...