Bavelile abasolwa ngokuthumba owesilisa emakhazeni bayomshisa

2017-07-12 13:59

Brits - Amadoda amabili abhekene necala lokuthumba owesilisa oneminyaka engu-60 ubudala.

Ngokusho kukaLieutenant-Colonel Pelonomi Makau amaphoyisa alusukumele phezulu udaba lokuthunjwa nokubulawa kwalo wesilisa.

Ngokusho kukaMakau, amadoda amabili aneminyaka engu-22 kanye no-35 ubudala angene emakhazeni aseMmakau ngomhlaka-8 Julayi ngo-23:00 ebusuku athumba lo wesilisa.

Amthatha amfaka emotweni ethutha izidumbu, ahamba naye.

OLUNYE UDABA:Uvuke emakhazeni kwatatazela izisebenzi

“Ngesikhathi amaphoyisa aphenya icala lokuthunjwa kwalo wesilisa, athola isidumbu sakhe esishisiwe eSomaphepha, ngaseMiddleburg, eMpumalanga,” kusho uMakau.

Uthi lesi sidumbu satholakala ngomhlaka-9 Julayi kanti nayo imoto ethwala izidumbu itholakale kule ndawo.

Abasolwa babanjwa ngalolo suku kanti futhi babekwe amacala okugebenga ibhizininisi, ukuthumba kanye nokubulala, kubika iThe Citizen.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-16°C a few showers. Morning clouds. Cool. Pta: 19-28°C More sun than clouds. Pleasantly warm.
Jhb: 16-23°C a few showers. More sun than clouds. Mild. Bloem: 14-25°C High level clouds. Pleasantly warm.
Dbn: 18-25°C Heavy rain. Mostly cloudy. Mild. PE: 14-19°C More sun than clouds. Mild.
Isibikezelo sezulu sezinsuku ezingu-7...