Bavelile abasolwa ngokubulala iphoyisa laseShowe

2017-12-05 11:01

eThekwini - Bavelile abasolwa abane ababhekene nelokubulala iphoyisa eMbongolwane, kusho amaphoyisa aKwaZulu-Natal ngesitatimende.

Kukholakala ukuthi uMhlakayifani Mpho Mathonsi, 22, noMbongiseni Madwa Thusini, 21, bake baboshelwa amacala okuphanga ibhizinisi eMbongolwane ngo-2014.

Ngemuva kokuvela kwabo enkantolo, badedelwa ngebheyili, nokuyilapho ababaleka khona bangabheka emuva.

Abazange bayigcine imigomo nemibandela yebheyili futhi kabazange baphinde bavele enkantolo, kwaze kwakhishwa incwadi egunyaza ukuthi baboshwe, kuqhuba isitatimende.

OLUNYE UDABA:Kubanjwe ababili ngokubulawa kwephoyisa laseShowe

Laba basolwa bavele eNkantolo yeMantshi yaseShowe ngoMsombuluko lapho abafike bahoxisa khona isicelo sabo sebheyili.

Icala labo lihlehliselwe umhlaka-19 Januwari 2018 kanti bazohlala esitokisini kuze kushaye lolo suku. 

Bazobuye bavele ngecala lokuphanga abalibalekela.

- News24

Isimo sezulu
Emigwaqweni
iLotto
Cpt: 16-19°C Mostly sunny. Cool. Pta: 14-26°C More sun than clouds. Warm.
Jhb: 12-24°C More sun than clouds. Mild. Bloem: 16-25°C Rain late. More sun than clouds. Mild.
Dbn: 22-27°C Drizzle. Afternoon clouds. Warm. PE: 16-21°C Showers late. Afternoon clouds. Cool.
Isibikezelo sezulu sezinsuku ezingu-7...