Bangu-15 abantu abangakatholakali kulandela ingozi yesitimela ngeledlule

2018-01-08 12:30

Kroonstad - IShosholoza Meyl isikuqinisekisile ukuthi bangu-15 abantu abangakatholakali namanje kulandela ingozi yesitimela eyenzeke ngeledlule eFree State, kubika i-eNCA.

Imindeni iyaqhubeka nokuhlonza izidumbu emakhazeni aseKroonstad abevaliwe ngempelasonto.

Bangu-19 abantu okwaqinisekiswa ukuthi bashonile ngemuva kokuba iloli lishayise isitimela, kwalimala abanye abantu abaningi.

OLUNYE UDABA: Kuzohlonzwa izidumbu zabashona engozini yesitimela neloli

Izihlobo zalabo abangakatholakali zinethemba lokuthi bazotholakala kungekudala, kwazise abatholakalanga ezibhedlela nasendaweni yesigameko.

Khonamanjalo, kulindeleke ngoMsombuluko kuvulwe izincingo zakwa-Prasa ezizosebenza usuku lonke ngenhloso yokusiza imindeni.

IPrasa ibambe umhlangano nemindeni yabathinteka kulesi sigameko ngoMsombuluko.

- eNCA

Isimo sezulu
Emigwaqweni
iLotto
Cpt: 12-20°C Morning clouds. Mild. Pta: 15-24°C Morning clouds. Mild.
Jhb: 11-22°C Morning clouds. Mild. Bloem: 7-22°C Sunny. Mild.
Dbn: 19-25°C Morning clouds. Mild. PE: 12-22°C High level clouds. Mild.
Isibikezelo sezulu sezinsuku ezingu-7...