Babili ababoshwe eNgwavuma betholakala nezibhamu ezingekho emthethweni

2017-11-14 14:00

eThekwini - NgoMsombuluko ebusuku amaphoyisa abesebenzela eMkhanyakude ngomkhankaso wokuthungatha abaphatha izibhamu ezingekho emthethweni.

Kulo mkhankaso, kubanjwe abasolwa ababili betholakala nezibhamu ezingenawo amalayisensi kanye nezinhlamvu.

OLUNYE UDABA:Sesitholakele isidumbu somfana wesibili obeduke nomngani eThekwini

Laba basolwa babanjwe ngesintatha zangoLwesibili ngesikhathi amaphoyisa esehambela endaweni yaseNdumo eNgwavuma.

Laba basolwa batholakala nezibhamu zohlobo lwe-AK47 kanye ne-shotgun nezinhlamvu ezingu-41.

Laba baneminyaka ephakathi kuka-52 no-63 ubudala kanti bazovela phambi kweMantshi yaseGwavuma kungekudala.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 18-26°C Morning clouds. Mild. Pta: 17-34°C High level clouds. Extremely hot.
Jhb: 16-31°C High level clouds. Pleasantly warm. Bloem: 19-32°C More sun than clouds. Pleasantly warm.
Dbn: 20-30°C Morning clouds. Warm. PE: 19-26°C Morning clouds. Mild.
Isibikezelo sezulu sezinsuku ezingu-7...