Amaphoyisa asecela usizo lomphakathi ngothisha waseNquthu

2016-08-21 11:04

Johannesburg – Amaphoyisa aKwaZulu-Natal anxusa umphakathi waseNquthu ukuba uphumele obala nolwazi olungaholela ekuboshweni kukathisha osolwa ngokudlwengula abafundi abayisithupha.

Imikhuba yalo thisha ivele ngemuva kokusabalala kwe-video ezinkundleni zokuxhumana, enza ucansi nesinye sezisulu zakhe.

UMnyango wezeMfundo esifundazweni uqinisekisile ukuthi lo thisha umisiwe emsebenzini.

OLUNYE UDABA: Kuthiwa ugcwele amathafa uthisha ‘ozishuthe elele nomfundi’ eNquthu

Amaphoyisa aKwaZulu-Natal athi lo thisha unyamalale ngesonto eledlule ngemuva kokuvulelwa icala lokudlwengula.

Okhulumela amaphoyisa uLieutenant Colonel Thulani Zwane uthe: “Asimtholi ndawo umsolwa ngoba nalapho ehlala khona akekho.”

Lo thisha kuthiwa ubedlwengula izingane kusukela ngo-2012.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 10-19°C Sunny. Mild. Pta: 13-33°C Sunny. Pleasantly warm.
Jhb: 14-28°C Sunny. Pleasantly warm. Bloem: 12-28°C Morning clouds. Pleasantly warm.
Dbn: 15-19°C a few showers. More clouds than sun. Cool. PE: 13-16°C Mostly sunny. Cool.
Isibikezelo sezulu sezinsuku ezingu-7...