Amaphoyisa asebenzise izinhlamvu zenjoloba ukuhlakaza ababhikishi

2017-07-04 12:29

Johannesburg – Amaphoyisa adubule ngezinhlamvu zenjoloba ukuhlakaza ababhikishi abebevimbe imigwaqo embalwa elokishini eSoweto ngoLwesibili.

Okhulumela amaphoyisa uKay Makhubele utshele abe-News24 kuthi abashayeli bezimoto kumele bagweme imigwaqo u-Elias Motsoaledi Road kanye noChris Hani Road njengoba kuvinjwe ngamatshe futhi kushiswa namasondo.

UMakhubele uthi isimo sisemanzonzo kakhulu yize amaphoyisa ekwazile ukuhlakaza ababhikishi.

OLUNYE UDABA:Ababhikishi sebecekele phansi isitolo sowokufika eGoli

Baphakathi kuka-100 no-200 abantu ababhikishayo kanti okwamanje abekho ababoshiwe.

Okhulumela amaphoyisa omgwaqo eGoli u-Edna Mamonyane uthi kuphazamiseke kakhulu ukuhamba kwamabhasi eRea Vaya eSoweto.

Kuthiwa lezi zakhamuzi ezibhikishayo zikhala ngogesi wekhadi abafakelwe wona kanye namanzi amahhala.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-18°C Morning clouds. Mild. Pta: 10-25°C Sunny. Mild.
Jhb: 7-20°C Sunny. Mild. Bloem: 4-20°C Sunny. Mild.
Dbn: 18-22°C Partly cloudy. Mild. PE: 11-18°C a few tstorms. More clouds than sun. Mild.
Isibikezelo sezulu sezinsuku ezingu-7...