Amaphoyisa acela ukufuniswa abasolwa abadubule babulala ikhetha nesalukazi

2017-12-05 16:00

eThekwini - Amaphoyisa aseMehlomnyama, ogwini oluseningizimu yesifundazwe iKwaZulu-Natal, athungatha isigilamkhuba esidubule sabulala owesifazane oneminyaka engu-65 ubudala.

Lona wesifazane udutshulwe ekwakhe endaweni yasoShabeni, ngaphandle kwaseSayidi, ngezithuba zabo-09:00 ebusuku.

Ngokusho kokhulumela amaphoyisa uLieutenant-Colonel Zandra Wiid, lona wesifazane ubephuma kwenye indlu engurawondi eya endlini enkulu ngesikhathi ehlaselwa.

OLUNYE UDABA:Izingane zithole isidumbu sentombazane, 7, eGoli

Kwesinye isigameko esenzeke eBhobhoyi, amaphoyisa abizelwe kule ndawo ngoLwesine kutholakala isidumbu sekhehla.

Kulokhu uWiid uthi leli khehla elineminyaka engu-74 ubudala litholakale lishonile futhi linenxeba lokudutshulwa.

Amaphoyisa aphenya amacala amabili okubulala kanti akukaboshwa muntu okwamanje, kubika i-Eyethu KZN.


- News24

Isimo sezulu
Emigwaqweni
iLotto
Cpt: 16-19°C Mostly sunny. Cool. Pta: 14-26°C More sun than clouds. Warm.
Jhb: 12-24°C More sun than clouds. Mild. Bloem: 16-25°C Rain late. More sun than clouds. Mild.
Dbn: 22-27°C Drizzle. Afternoon clouds. Warm. PE: 16-21°C Showers late. Afternoon clouds. Cool.
Isibikezelo sezulu sezinsuku ezingu-7...