Akuxoshwe uPravin Gordhan - ANCYL

2017-01-20 14:31

Johannesburg - Uphiko lwentsha lwe-ANC eThekwini lucele uMengameli Jacob Zuma ukuba axoshe uNgqongqoshe weziMali uPravin Gordhan‚ ngezinsolo zokwehluleka ukwenza izinguquko kwiSouth African Airways (SAA) ebhekene nezinkinga.

Lolu phiko luphinde lwahamba emazwini e-ANC Women’s League okuba kuphenywe ngesandla semfene esifuna ukuphazamisa izinhlelo zokwenziwa kwezinguquko kwi-SAA.

Okufunwa yi-ANCYL ne-ANCWL kungase kujabulise uSihlalo webhodi le-SAA, uDudu Myeni‚ owathi luseqhulwini kuyena udaba lokwenziwa kwezinguquko kwa-SAA.

OLUNYE UDABA: Kuboshwe umakhwapheni ngokweba ingane nemoto yesoka

Watshela iCity Press ngoNovemba ukuthi ukubona kubalulekile ukuba kwenziwe izinguquko, wathi ufuna kakhulu ukubona abantu besifazane nabaphila nokukhubazeka kwi-SAA.

UMyeni uphinde wabuyiselwa esikhundleni sakhe njengosihlalo webhodi ngo-2016, kubika iSowetanLive.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 14-16°C a few tstorms. More clouds than sun. Cool. Pta: 9-24°C Sunny. Mild.
Jhb: 7-19°C Sunny. Mild. Bloem: 4-22°C Sunny. Mild.
Dbn: 16-24°C Mostly sunny. Mild. PE: 12-22°C High level clouds. Mild.
Isibikezelo sezulu sezinsuku ezingu-7...