Akasekho emhlabeni umfundi 'owashaywa esolwa ngokweba u-R150 esikoleni'
2017-03-20 18:02
Johannesburg - UMnyango wezeMfundo eMpumalanga uqinisekise ukushona komfundi owashaywa wuthishanhloko esikoleni esiseMiddelburg, wahlalisa kwi-wheelchair.
USiphamandla Choma washaywa ngonyaka ophelile ngezinsolo zokweba imali engu-R150. Leli bhungu lakhubazeka ngemuva kokushaywa njengoba beselihamba ngesihlalo esinamasondo.
UMnyango uthe uthishanhloko usebekwe icala lokungaziphathi ngendlela kanti kulindekele ukuba avele phambui kwekomidi eliqondisa izigwegwe.
OLUNYE UDABA: Usemisiwe uthishanhloko 'owashaya umfundi wamuhlalisa kwi-wheelchair'
Isikhulumi soMyango, uJasper Zwane, sithe lo mfundi ushone ngeSonto.
"Sifuna ukuthatha leli thuba sidlulise okukhulu ukuzwelana nomndeni kanjalo nesikole. UNgqongqoshe wezeMfundo uzovakashela umndeni kusasa (ngoLwesibili) ngezithuba zabo-10:00 ekuseni," kusho uZwane.
NgoMashi, uMnyango wezeMfundo eMpumalanga uqinisekise ukuthi umndeni wakwaChoma uwuvulele icala wafuna isinxephezelo sika-R25 million.
Yize kunjalo, kuthiwa uMnyango uzozivikela kulokhu okufunwa yilo mndeni.
- EWN
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
- News 24