Abafundi enyuvesi babanjwe inkunzi bekhonjwe ngesibhamu

2017-03-09 13:04

Johannesburg – Izigebengu ezimbili ebezihlomile zikhombe abafundi ngesibhamu e-University of Johannesburg esikhungweni saseKingsway ngoLwesithathu esehlakalweni esiphethe ngokuba kudutshulwane.

Okhulumela amaphoyisa eSAPS esifundazweni, uColonel Lungelo Dlamini, uthe abasolwa ababili babambe inkunzi abafundi bebakhombe ngesibhamu, bathatha ama-laptop nama-iPad.

Uthe onogada besikhungo baphutheme endawnei yesigameko ngemuva kokuba bezwe ngokuhayiza kwabafundi, nokuholele ekutheni kubenokudubulana phakathi konogada nabasolwa.

OLUNYE UDABA:  Ingane iwele kwi-swimming pool yashona

"Omunye wabasolwa ulimalile kodwa bobabili bakwazi ukubaleka,” kusho uDlamini.

Uthe ezinye zezinto ezebiwe zitholakale kodwa abasolwa bakwazile ukubaleka nama-laptop kanye nama-iPad.

Kuvulwe icala lokuphanga kuhlonyiwe nelokuzama ukubulala.

- News 24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 12-20°C Showers late. Afternoon clouds. Mild. Pta: 12-28°C Sunny. Pleasantly warm.
Jhb: 11-25°C Sunny. Mild. Bloem: 8-26°C Sunny. Pleasantly warm.
Dbn: 20-26°C Sunny. Mild. PE: 14-23°C Morning clouds. Mild.
Isibikezelo sezulu sezinsuku ezingu-7...