Abafundi bangenele umbhikisho bekhala ngokudlwengulwa komunye enyuvesi

2017-10-03 11:04

Port Elizabeth – Kuqubuke umbhikisho eNelson Mandela Metropolitan University ngemuva kwemibiko ethi kudlwengulwe umfundi ngoMsombuluko ebusuku.

Abafundi bavale amasango amaningi angenela esikhungweni senyuvesi esisePort Elizabeth.

Bangenele umbhikisho bekhala ngokungaqini kwezokuphepha.

Abafundi ababili bebesebenza e-computer lab ngoMsombuluko ebusuku ngesikhathi kungena owesilisa ongaziwa.

OLUNYE UDABA: UMbalula uzovakashela imindeni yabangu-11 ababulawa

Kuthiwa wesabise abafundi ngesikere, wadlwengula owesifazane oneminyaka engu-25 ubudala.

Omunye wabafundi kubikwa ukuthi ugwazwe ngumsolwa emhlane ngoba ebengawuphethe umakhalekhukhwini.

Abaphathi benyuvesi bathi bazohlangana nabafundi ukukhuluma ngezikhalazo zabo.

Okhulumela i-NMU uZandile Mbabela usiqinisekisile isigameko, wathi: "Kuyathusa futhi kuyadumaza ukuzwa ngalezi zindaba ngokudlwengulwa nokugwazwa kwabafundi.”

Amaphoyisa ayaphenya ngecala, kodwa bekungakaboshwa muntu okwamanje.

- News24

NEXT ON NEWS24 ISIZULUX
Isimo sezulu
Emigwaqweni
iLotto
Cpt: 15-17°C Showers late. Partly cloudy. Cool. Pta: 17-28°C Rain showers. Morning clouds. Warm.
Jhb: 16-23°C Showers early. High level clouds. Mild. Bloem: 13-29°C Sunny. Pleasantly warm.
Dbn: 19-24°C Showers early. Morning clouds. Mild. PE: 12-21°C Afternoon clouds. Cool.
Isibikezelo sezulu sezinsuku ezingu-7...