Zimkhalele umfundisi ngelokudlwengula

2013-02-13 08:16

Rustenburg - Ukhalelwe ngamasongo kaSigonyela umfundisi, 29, wasePhokeng, ngaseRustenburg, ngezinsolo zokudlwengula intombazane, 17, kusho amaphoyisa aseNorth West.

UBrigadier Thulani Ngubane uthe umfundisi lo ubevakashele ibandla iPerish for a Crusade, ePhokeng, isikhathi esiyisonto.

Uthandazele le ntombazane ngesikhathi kunezinkonzo, kokunye wayilanda nomngani wayo ukuba bazomsiza ukuhlanza isonto ebusuku.

NgoLwesibili, ube esecela ukuyihambisa esikoleni, yavuma.

“...Esikhundleni sokuyiyisa esikoleni, umsolwa ujikele esikhotheni esiseduzane wafike wayidlwengula," kusho uNgubane.

“Izakhamuzi ezibone imoto kamfundisi isithela emahlathini zibe sezibiza amaphoyisa, nabe esembamba oqotsheni eqhoqhobele ingane."

Umfundisi lo uzovela eNkantolo yeMantshi yaseBafokeng ngoLwesithathu.



 - Landela IzindabaNews24 kuTwitter


- SAPA

Phawula kulolu daba
2 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 10-14°C Broken clouds. Cool. Pta: 6-22°C Showers late. More sun than clouds. Mild.
Jhb: 3-16°C Showers late. More sun than clouds. Cool. Bloem: 0-13°C High level clouds. Cool.
Dbn: 10-11°C Numerous showers. Mostly cloudy. Quite cool. PE: 8-15°C a few showers. More sun than clouds. Cool.
Isibikezelo sezulu sezinsuku ezingu-7...