Wayengathi unamadimoni uNtshongwana - Ubufakazi

2012-11-28 16:20

Durban - Owabe engumdlali wamaBlue Bulls uPhindile Joseph Ntshongwana obhekene necala lokubulala abantu esebenzisa imbazo, wayengathi unamadimoni futhi ebukeka njengoSathane uqobo lwakhe, kusho ufakazi ngaphambi kweNkantolo eNkulu eThekwini, ngoLwesithathu.

Owesifazane ekukholakala ukuthi wathunjwa nguNtshongwana utshele inkantolo ukuthi lona wayengathi yisilwane uqobo lwaso.

Umsolwa ubhekene necala lokubulala uThembelenkosini Cebekhulu, waseMontclair, owabulawa ngoMashi 20, 2011, uPaulos Hlongwa, owabulawa ngemuva kwezinsuku ezimbili kubulawe uCebekhulu noSimon Ngidi, owalandela uHlongwa, kanye nomunye umuntu ongaziwa ukuthi ungubani.

Bonke laba bagencwa ngembazo, ubhekene namanye amacala ahlanganisa ukuthumba nokudlwengula.

Lona wesifazane owethule ubufakazi ligodliwe igama lakhe, uthe uNtshongwana wayenolaka kakhulu.

"Wayengathi ufuna ukulwa, wayenza sengathi ufuna ukungibulala," kusho lona wesifazane.

Ummeli kaNtshongwana uThemba Mjoli utshele inkantolo wathi lona wesifazane uqamba amanga uma ethi umsolwa wazithela ngeDanone emzimbeni wase ethi akamkhothe.

"Indaba nje yeDanone isengqondweni yakho, uyazicabangela nje," kusho ummeli.

Icala liyaqhubeka.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 16-22°C Mostly sunny. Cool. Pta: 17-32°C Mostly sunny. Pleasantly warm.
Jhb: 14-27°C Sunny. Warm. Bloem: 15-30°C Sunny. Pleasantly warm.
Dbn: 18-28°C More sun than clouds. Warm. PE: 16-22°C Mostly sunny. Mild.
Isibikezelo sezulu sezinsuku ezingu-7...