Uzofela ejele obedlwengula indodakazi
2012-10-23 12:29
Durban - Iyoze ifele ejele indoda elahlwe yicala lokudlwengula indodakazi yayo iminyaka emihlanu iphindelela, iNkantolo yesiFunda eMlazi igwebe lo baba udilikajele, kusho amaphoyisa esifundazweni eKwaZulu-Natal.
Ngokusho kukaCaptain Thulani Zwane, ubaba oneminyaka engu-48 ubudala, waqala ukudlwengula indodakazi yakhe ngonyaka ka-2006.
"Wayedlwengula indodakazi ekhaya labo, bese eyesebisa ngokuyibulala uma ike yatshela umuntu," kusho uZwane.
Indoda yaboshwa ngenyanga kaNovemba ngemuva kokuthi ingane ibikele udadewabo ngokudlwengulwa kwayo.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela IzindabaNews24 kuTwitter
(@IzindabaNews24).