Uzobhadla 20 weminyaka ejele owaseNigeria
2011-03-04 12:57
Johannesburg - Uphiko lwezokushushiswa kwamacala omphakathi iNational Prosecuting Authority (NPA) ithe unikezwe iminyaka engu-20 ebhadla ejele umlisa waseNigeria ngamacala okukhwabanisa eNkantolo yeSifunda yaseGermiston ngoLwesihlanu.
Okhulumela i-NPA uMthunzi Mhaga uthe uPeter Maxson Anyanyueze unikezwe iminyaka engu-10 ngokukhwabanisa, eminye engu-10 yokuqola imali nemibili yokuphula umthetho i-Immigration Act.
Esitatimendeni uMahaga uthe u-Anyanyueze waboshwa ngoJulayi 2007, watholakala enecala ngoMashi 1, 2010.
- SAPA
