Uzitamuzela imali uthisha ongasafundisi
2012-03-27 12:02
Durban - Uthishanhloko waKwaZulu-Natal usezitamuzele umholo cishe iminyaka eyisikhombisa yize ebengaqashelwanga kulesi sikhundla, ngokusho kombiko weThe Mercury ngoLwesibili.
Ngokwalo mbiko, uLinda Leslie Gumbi waphoqwa ukuba aphume aphele emagcekeni esikole esiseNdwedwe, ngaseThekwini, ngo-2003 kulandela izinsolo ezazingenabufakazi zokuthi wakhwabanisa izimali zesikole.
Wabe esesebenza njengothisha ka-grade 7 kwesinye isikole, kodwa wayeka ukufundisa ngo-2005.
Umbiko uthi usehole imali engu-R1.82 million kusukela lapho.
NgokoMnyango wezeMfundo esifundazweni, uGumbi
ungomunye wothishanhloko abangu-81 "abayizipoki" iningi labo elisebenza njengothisha kodwa lihola imali yothishanhloko.
Lo mbiko ucaphune uNgqongqoshe woMnyango uSenzo Mchunu ethi abangu-11 kulabo thisha baqhamuka ezikoleni zaseNdwedwe.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- SAPA
