Uzibulele othandana nephoyisa ebelinyamalele

2012-06-04 14:47

Durban - Owesilisa obethandana nephoyisa elinyamalele nobeboshelwe icala lokulibulala uzilengise washona ngaphakathi esitokisini samaphoyisa abeboshwe kuso, kubika iphephandaba iDaily Sun.

Umsolwa oneminyaka engu-32 ubudala obehlala nephoyisa uConstable Bongiwe Precious Zuma, 29, uboshwe ngemuva kokuthi akhombise amaphoyisa ukuthi wasilahlaphi isidumbu sikaZuma.

UZuma wabulawa washiswa, isidumbu sakhe salahlwa eBaynesfield, ngaphandle kwaseMgungundlovu.

Ngesonto ekuseni amaphoyisa athole umsolwa uNdumiso Mabaso elenga esitokisini esiteshini samaphoyisa eNew Hanover.

Okhulumela amaphoyisa uLieutenant-Colonel Joey Jeevan uthi uMabaso udabule ijakhethi yakhe wayisebenzisa ukuzilengisa.

UMabaso waboshwa ngemuva kwezinsuku eziyishumi kwanyamalala uZuma

Umama kaZuma uthi laba bobabili bathandana kusukela ngonyaka ka-2008, nokho babuye behlukana.

 

 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela IzindabaNews24 kuTwitter (@IzindabaNews24).


- Daily Sun

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 14-24°C High level clouds. Mild. Pta: 17-30°C More sun than clouds. Pleasantly warm.
Jhb: 14-24°C Passing showers. Morning clouds. Mild. Bloem: 14-18°C Rain showers. Broken clouds. Mild.
Dbn: 17-20°C Numerous showers. Mostly cloudy. Cool. PE: 16-19°C More clouds than sun. Mild.
Isibikezelo sezulu sezinsuku ezingu-7...