Uyavela owadlwengula isalukazi eKZN

2013-02-26 10:02

Durban - Owesilisa osolwa ngokudlwengula isaguga uboshiwe KwaDindi eTaylor's Halt, ngaphandle kwaseMgungundlovu, kubika iphephandaba iThe Witness ngoLwesibili.

Umsolwa, 23, uboshwe ngeSonto ngosizo lomphakathi waKwaDindi.

Ugogo oneminyaka engu-91 ubudala wadlwengulwa ngeSonto eledlule KwaDindi endaweni yaseVulindlela.

Okhulumela amaphoyisa uLieutenant Joey Jeevan uthe ugogo wayelungiselela ukuyolala ngezithuba zabo-21:00 ngesikhathi ngungqongqoza umuntu emnyango, nasewindini, kodwa waziba.

Ngemuva kwesikhathi owesilisa owayephethe ummese wangena ngewindi, kusho uJeevan etshela iWitness.

Umsolwa wamdlwengula kaningi ugogo kwaze kwalamula ukusa ngoMsombuluko. Wabe esesabisa isalukazi wasifuna imali.

"Sakhipha u-R250 esasiwufihle ngaphansi komqamelo," kusho uJeevan.

Uthe owesilisa lo uthweswe icala lokudlwengula, elokugqekeza nelokweba.

Kulindeleke ukuba avele eNkantolo yeMantsi yaseMgungundlovu ngoLwesibili.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter



- SAPA

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 12-20°C Sunny. Mild. Pta: 6-23°C Sunny. Mild.
Jhb: 4-18°C Sunny. Mild. Bloem: 3-22°C Sunny. Mild.
Dbn: 10-25°C Sunny. Mild. PE: 15-26°C Sunny. Warm.
Isibikezelo sezulu sezinsuku ezingu-7...