Uvelile osolwa kwelokuvukela umbuso wase-DRC

2013-02-12 10:04

Johannesburg - Sivele ngaphambi kweNkantolo yeMantshi yasePitoli isigayigayi esisisolwa ngokuba yingxenye yetulo lokuvukela uMbuso kaMengameli waseDemocratic Republic of Congo uJoseph Kabila, kusho umbiko wephephandaba iBusiness Day.

U-Etienne Kabila Taratibu usazoqhubeka nokuhlala esitokisini.

Okhulumela iNational Prosecuting Authority uMedupe Simasiku, uthe kubekwe obala amacala abhekene noKabila Taratibu, kulindeleke aphinde abuyele enkantolo ngoLwesine kanye nabanye abangu-19 abasolwa ngecala elifanayo.

USimasiku uthi bazosiphikisa isicelo sebheyili.

NgoLwesine olwedlule, kwavela iqulu lokuqala elibhekene naleli cala, umshushisi uShaun Abrahams uthi amaphoyisa athola uhlu lohlelo lwabasolwa kanye nezikhali.

U-Abrahams uthi amaphoyisa ayaphenya, ezifihlile, ahlangana noKabila Taratibu, ngenyanga ka-Okthoba, nala avuma khona ukuthi uhlela ukuvukela uumbuso wase-DRC.

Iphephandaba i-Agence France-Presse labika lathi uKabila Taratibu ungumfowabo kaMengameli uJoseph Kabila, nokho abazalwa yisisu esisodwa.


 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


- SAPA

NEXT ON NEWS24 ISIZULUX
Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 11-16°C High level clouds. Cool. Pta: 4-20°C Sunny. Mild.
Jhb: 3-16°C Sunny. Refreshingly cool. Bloem: 2-17°C Morning clouds. Mild.
Dbn: 8-24°C High level clouds. Mild. PE: 9-25°C High level clouds. Pleasantly warm.
Isibikezelo sezulu sezinsuku ezingu-7...