Uthole iminyaka owadlwengula ugogo eKZN
2013-02-26 16:00
Durban – INkantolo yesiFunda kwaMaphumulo, imnike iminyaka engu-25 ethothoza ejele umlisa olahlwe yicala lokudlwengula isalukazi, kusho amaphoyisa aKwaZulu-Natal.
Okhulumela amaphoyisa uCaptain Thulani Zwane, uthi uNdumiso Gcabashe, 22, ulahlwe yicala lokudlwengula ugogo oneminyaka engu- 90 ubudala, owadlwengulwa esemzini wakhe oKwaMaphumulo, endaweni yaseWoza.
Lesi sehlakalo senzeka mhlaka-20 Julayi 2010, ugogo wayeyedwa ngesikhathi kungena uGcabashe, efika emkhomba ngomese emdlwengula.
“UGcabashe wahlula ngamandla ugogo, waphinda weba u-R470.”
UGcabashe waboshwa eseNtuzuma, ngenyanga kaFebhuwari.
– "Like" ikhasi lethu
ku-Facebook uze ukwazi ukujoyina inkulumo ngolimi lwakho.
– Landela Izindaba News24 kuTwitter
(@IzindabaNews24).