Usenkantolo obeqola abantu eKZN

2012-06-21 12:01

Durban - Kulindeleke ukuthi avele enkantolo ngoLwesine owesilisa obezishaya udokotela osolwa ngokuqola abantu ngokubathembisa amathenda nemisebenzi, kubika iSolezwe.

Lo wesilisa, 27, kuthiwa ubeqola nosomabhizinisi ebathembisa ukuthi uzobatholela amathenda uzovela enkantolo yamacala aphathelene nokukhwabanisa izimali eJohn Ross House.

Okhulumela amaphoyisa KwaZulu-Natal, uCaptain Thulani Zwane, uthe le ndoda ibanjwe amaphoyisa eCommercial Crimes Unit ngoLwesibili.

Uthe uphenyo lwamaphoyisa luveze ukuthi ubebona izikhangiso zamathenda nemisebenzi bese eya kwabanambhizinisi athule umsebenzi awenzayo bese ebathembisa amathenda.

UZwane uthe ubengabakhokhisi imali kepha ubethi abakhokhele izindleko zokuhamba nezokulala uma eyobamela ezingxoxweni zamathenda ePitoli nakwezinye izindawo.

Abaningi bebemethemba ngoba ubefika egqoke ijazi elimhlophe eligqokwa ngodokotela ephethe nezinye izinsiza kusebenza ezisetshenziswa ngodokotela.

Emuva kokuboshwa kwakhe emahhovisi kusale kwafika abanye abantu bekhala ngokuqolwa nguye.

“Bafike bachaza ukuthi ubefike kubo abathembise amathenda abiza izigidi. Elinye lamabhizinisi abathembisa lona elokwakhiwa kwesibhedlela sakwaNetcare,” kusho uZwane.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Ezifundwe ukuzedlula zonke
Ezi-emailwe ukuzedlula zonke
Ezithasiselwe ukuzedlula zonke
Isimo sezulu
Emigwaqweni
iLotto
Cpt: 15-22°C Sunny. Mild. Pta: 4-19°C Sunny. Mild.
Jhb: 3-15°C Sunny. Cool. Bloem: 0-18°C Sunny. Mild.
Dbn: 8-26°C Sunny. Mild. PE: 9-26°C Sunny. Pleasantly warm.
Isibikezelo sezulu sezinsuku ezingu-7...