Usazicanasela unesi osolwa ngokweba

2011-06-02 12:26

Durban - Usasebenza ngokugcwele eMnyangweni wezeMpilo KwaZulu-Natal unesi wesilisa osolwa ngokushaya achithe nezimpahla zesiguli esibhedlela iKing Edward VIII, eThekwini, ngenyanga edlule, kubika iphephandaba iSolezwe.

Njengamanje, lo nesi uvulelwe icala lokuntshontsha emaphoyiseni njengoba esolwa ngokubaleka nezimpahla ezazinemali zikaMnuz Linda Zungu waseNtuzuma.

Okhulumela lo Mnyango, uMnuz Chris Maxon, esitatimendeni uthe basaphenya ngalolu daba njengoba bethole imininingwane kaZungu ngoMeyi 24. Uthe bamatasa bayalusebenza lolu daba.

“Lo mhlengikazi usasebenza ngokugcwele emnyangweni wezeMpilo kodwa usathathe ikhefu lokugula njengamanje,” kusho uMaxon.

Ngesonto eledlule, uZungu utheleke emahhovisi eSolezwe ethukuthele ethelwa ngamanzi walimisa ngesihloko elokuthi uyozibambela yena ngezandla lo mhlengikazi uma behlangana ngoba “uyisigebengu”.

Encwadini efungelwe yesibhedlela, lo wesilisa uthi kwathathwa ijakhethi yakhe yenani lika-R1 200 eyayinemali engu-R300. Uthi lokhu kwenzeka ngesikhathi elele ohlakeni emva kokuthi ehlatshwe ngudokotela ngomjovo wamshiya naleli nesi.

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 16-25°C Sunny. Warm. Pta: 18-30°C Tstorms late. More sun than clouds. Warm.
Jhb: 14-25°C Showers late. More sun than clouds. Warm. Bloem: 14-30°C High level clouds. Pleasantly warm.
Dbn: 17-23°C Showers late. Mostly cloudy. Mild. PE: 15-19°C Showers early. Partly cloudy. Mild.
Isibikezelo sezulu sezinsuku ezingu-7...