Uphinde waboshwa ngelokubulala uyise
2012-11-21 10:01
Pietermaritzburg - Indoda, 29, eyabekwa icala lokubulala uyise ivele kancane eNkantolo yeMantshi yaseMgungundlovu, kulandela ukuhoxiswa kwaleli cala emasontweni amabili edlule.
UThabani Ngubane, wakwaMnyandu endaweni yaseVulindlela, uzofaka isicelo sebheyili ngoNovemba 30.
UNgubane usolwa ngokubulala uyise, uSkhwebu Allan Ngubane, 68, kulandela ingxabano ababa nayo ngo-Okthoba 29.
Kuthiwa uNgubane omdala wangenelela ngesikhathi indodana yakhe ishaya ngempama umzala wayo, neyabe isimdubula.
Indodana yaboshwa yase iphinde iyadedelwa ngemuva kokuhoxiswa isikhashana kwaleli cala.
Iphinde yaboshwa ngempelasonto.
- “Like”
ikhasi lethu kuFacebook ukuze uthole izindaba ngolimi lwakho
- Landela
IzindabaNews24 kuTwitter
- The Witness