Unenkinga emaphashini uMandela

2012-12-11 12:30

Johannesburg - Owabe enguMengameli wezwe uNelson Mandela ulele esibhedlela nje, uguliswa inkinga esemaphashini akhe, kusho umbiko ophuma eHhovisi likaMengameli ngoLwesibili.

"Odokotela sebeqedile ukumhlola. Kuvele ukuthi unenkinga emaphashini, uMadiba usevele uqalile uthola ukwelashelwa le nkinga, uyamukela ngendlela imithi yodokotela," kusho isitatimende seHhovisi likaMengameli.

"UMengameli uJacob Zuma udlulisa amazwi okubonga kubantu bonke baseNingizimu Afrika, abaqhubeka nokweseka umndeni wakwaMandela, ngalesi sikhathi."

Lolu wusuku lwesine utata elaliswe esibhedlela, unkosikazi wakhe uGraca Machel, utshele abezindaba wathi kumphatha kambi ukubona umyeni wakhe ekulesi simo akuso.




 – "Like" ikhasi lethu ku-Facebook uze ukwazi ukujoyina inkulumo ngolimi lwakho.

 – Landela Izindaba News24 kuTwitter (@IzindabaNews24).


Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 16-22°C Sunny. Cool. Pta: 15-30°C Sunny. Pleasantly warm.
Jhb: 14-27°C More sun than clouds. Pleasantly warm. Bloem: 16-33°C Sunny. Pleasantly warm.
Dbn: 17-29°C Sunny. Warm. PE: 14-23°C High level clouds. Mild.
Isibikezelo sezulu sezinsuku ezingu-7...