Umndeni ukhala ngokubulawa komsolwa

2013-02-15 12:03

Johannesburg - Umndeni wowesilisa waseMalekutu ngaseWhite River, eMpumalanga, uthi usakhungathekile kulandela ukubulawa ngesihluku kwakhe ngezinsolo zokudlwengula intombazanyana,9, kubika iSowetan.

UMduduzi Mahlangu, 30, uhlaselwe ngabantu abebevutha bengabaselwe ngemuva kokusolwa ngokudlwengula le ngane ngoMsombuluko.

Ozibonele, u-Ennie Mohlala, 78, nohlala ngasemzini ka-anti kaMahlangu, uLilly Lessing, 65, ulandisa ngalesi sigameko: "Besihleli emthunzini ngesikhathi uMahlangu eqhamuka eyinhlamvu ejwahwa abantu ememeza ethi bafuna ukumbulala, namanje ngisathukile."

UMohlala uthi la bantu bebehlome ngezibhamu, izagila, izitshwebhu nobhushu.

"Sibabuzile ukuthi kwenzekani kodwa basichapha ngenhlamba. Bamshaye ngebhodlela ekhanda, bambopha ngocingo bahamba naye, sizwe sekuthiwa ushonile. Akukho ebesingakwenza ukusiza," esho.

Owamaphoyisa uColonel Leonard Hlathi uqinisekisile ukuthi kubikiwe ngalesi sigameko kodwa akukaboshwa muntu.


 - Landela IzindabaNews24 kuTwitter

- News24

NEXT ON NEWS24 ISIZULUX
Phawula kulolu daba
0 izimpawulo
Faka ukuphawula kwakho
Phawula 0 izinhlamvu esezisele
Isimo sezulu
Emigwaqweni
iLotto
Cpt: 12-15°C Showers late. More sun than clouds. Cool. Pta: 13-28°C Morning clouds. Pleasantly warm.
Jhb: 8-21°C Sunny. Mild. Bloem: 3-17°C Sunny. Mild.
Dbn: 17-22°C Morning clouds. Mild. PE: 12-17°C Afternoon clouds. Mild.
Isibikezelo sezulu sezinsuku ezingu-7...