Umdlwenguli ugixabezwe ngodilikajele abangu-17
2012-05-18 08:33
Johannesburg - Owesilisa owatholakala enecala lokudlwengula abesifazane abangu-11 nentombazane, 12, ugixabezwe ngodilikajele abangu-17 ebhadla ejele eNkantolo eNkulu yaseGoli, kubika iThe Star ngoLwesihlanu.
UJazzman Rikhotso, 31, nowethiwa ele-Avalon Cemetery Rapist, uzozidonsa kanye kanye lezi zigwebo.
URikhotso uphinde wagwetshwa ngoLwesine ngezinye izinsolo, okubalwa iminyaka emithathu ngokuthumba nengu-15 ngokuphanga.
UJaji Colin Lamont usigxeke kakhulu isenzo sikaRikhotso sokudlwengula owesifazane phambi kwengane yakhe.
"Umsolwa abengenazwelo njengoba ebedlwengula kwasani ephambi kwakhe. Ezinye izisulu zadlwengulwa phambi kwamalungu omndeni."
- Landela
IzindabaNews24 kuTwitter
- SAPA