Umama ubulale ingane, wazilengisa

2012-11-28 10:03

Johannesburg - Owesifazane wase-Atteridgeville, ePitoli, usolwa ngokuklinya abulale indodakazi yakhe, 8, ngaphambi kokuzikhunga ekhaya labo, kusho umbiko weSowetan.

Umyeni wakhe, noyiphoyisa esiteshini sendawo, uzithele kulezi zidumbu ngesikhathi ebuya emsebenzini ngoMsombuluko ngabo-18:15.

Ngesikhathi amaphoyisa efika endaweni yesehlakalo athole isidumbu sikankosikazi, 41, silenga.

Lo ubengumama ohlala ekhaya.

UCaptain Thomas Mufamadi uthe bathole isidumbu sengane "okusolakala ukuthi inklinyiwe" sisembhedeni wayo egumbini lokulala.

UMufamadi uthe imbangela yalokhu ayaziwa, kodwa uphenyo luyaqhubeka.

Uchaze lesi sigameko "njengesidabukisayo nebesingalindelekile".

"Isiteshi samaphoyisa sizomeseka lowo olahlekelwe ngalesi sikhathi esinzima," kusho uMufamadi.


 - Landela IzindabaNews24 kuTwitter

- News24

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 11-19°C Sunny. Mild. Pta: 16-26°C a few showers. Mostly cloudy. Warm.
Jhb: 14-24°C Rain late. Afternoon clouds. Mild. Bloem: 7-27°C Sunny. Pleasantly warm.
Dbn: 18-22°C More sun than clouds. Mild. PE: 12-21°C Sunny. Mild.
Isibikezelo sezulu sezinsuku ezingu-7...