Ukhale ngaphansi ecaleni u-Okah

2013-01-21 14:03

Johannesburg - Lowo ongumshokobezi nodabuka eNigeria uHenry Okah utholakale enecala lokuba ngungqondongqondo esigamekweni lapho izimoto ezimbili ezazihlohlwe ngamabhomu zaqhuma e-Abuja, kusho iNkantolo eNkulu yaseGoli ngoMsombuluko.

Ethula isinqumo kuleli cala, iJaji Neels Claassen uthe uMbuso ukwazile ukuletha ubufakazi obutshengisa ukuthi impela u-Okah unecala.

UClaassen uthe ukuhluleka kuka-Okah ukwethula ubufakazi kusho ukuthi ubufakazi abuphikiswa muntu.

Kulesi sigameko kwashona abantu abangu-12 kwathi abangu-36 balimala, ngo-Okthoba 2010 lapho iNigeria yayigubha khona usuku eyathola ngalo uzimelegeqe.

Kuthiwa uhola iMovement for the Emancipation of the Niger Delta, neyaphumela obala ngalokhu kuhlasela.

Utholwe enecala lokuzihlanganisa nezigameko zobushokobezi, ukwakha itulo lobushokobezi, ukudiliva nokucupha amabhomu.


 - “Like” ikhasi lethu kuFacebook ukuze uthole izindaba ngolimi lwakho

 - Landela IzindabaNews24 kuTwitter

- SAPA

Phawula kulolu daba
0 izimpawulo
Kuvaliwe ukuphawula kulolu daba.
Isimo sezulu
Emigwaqweni
iLotto
Cpt: 16-19°C Mostly sunny. Cool. Pta: 14-26°C More sun than clouds. Warm.
Jhb: 12-24°C More sun than clouds. Mild. Bloem: 16-25°C Rain late. More sun than clouds. Mild.
Dbn: 22-27°C Drizzle. Afternoon clouds. Warm. PE: 16-21°C Showers late. Afternoon clouds. Cool.
Isibikezelo sezulu sezinsuku ezingu-7...